Тус төвийн ЭЭЭШСҮАЗА-наас өнөөдөр / 3 дугаар сарын 15 / Нийгмийн Даатгалын Ерөнхий Газрын албан хаагчдад танхим болон цахимаар сургалт зохион байгууллаа.
Сургалтаар ЭЭЭШСҮАЗА-ны дарга П.Батчулуун “Эс, эд, эрхтэн шилжүүлэн суулгалтын өнөөгийн байдал”, ахлах мэргэжилтэн Б.Алтантулга “Донорын нийгмийн халамж” сэдэвт лекцийг уншсан. Лекцээр донорын карт, эрхтэн, эд, эс шилжүүлэн суулгалт, хүлээх жагсаалт, тархины үхэлтэй донорын тухай болон тархины үхэлтэй донорын гэр бүлд олгох тэтгэмжийн талаар мэдээлэл өгсөн.
Уг сургалтад НДЕГ-ын албан хаагчид болон 9 дүүрэг, 21 аймгийн Нийгмийн даатгалын хэлтсийн албан хаагчид оролцсон.
