Энэхүү хууль хэрэгжиж эхэлснээр дараах асуудлуудыг зохицуулна. Үүнд:
1.Монгол Улсын 21 насанд хүрсэн иргэн сайн дурын үндсэн дээр эрхтнээ бусдад шилжүүлэн суулгах эрх зүйн орчин бүрдсэн.
2. Цусны болон эс, эд, эрхтний донорын нэгдсэн бүртгэл, мэдээллийн сан байгуулах, сангийн ажиллах журмыг эрүүл мэндийн асуудал эрхэлсэн Засгийн газрын гишүүн батлахаар хуульчиллаа. Ингэснээр эрхтэн шилжүүлэн суулгуулахаар очерлож буй хүмүүсийн очер, дараалал ил тод болж, хэн нэгэн хүн очер дайрахгүй, батлагдсан журмаар зохицуулагдах юм.
3.Эрүүл мэндийн асуудал эрхэлсэн төрийн захиргааны төв байгууллагын дэргэд эс, эд, эрхтэн шилжүүлэн суулгах асуудлаар мэргэжил, ёс зүйн хороо ажиллахаар болсон.
4.Амьд донорууд жилд нэг удаа дотоодын рашаан сувилалд үнэ төлбөргүй сувилуулах эрхтэй боллоо.
5. Цусны болон эс, эд, эрхтний амьд донорыг тухайн эзний зөвшөөрөлд үндэслэн олон нийтэд таниулах, алдаршуулах, амьгүй донор болон түүний гэр бүлд хүндэтгэл үзүүлэх арга хэмжээг хууль ёсны төлөөлөгчийн зөвшөөрөлд үндэслэн зохион байгуулах эрх зүйн орчин бүрдлээ.
